“Tarixən gənclər cəmiyyətin əsas hərəkətverici və aparıcı qüvvəsi olmaqla hər bir dövlətin gələcək inkişafının müəyyən olunmasında mühüm rol oynayıb. Ölkəmizdə də onların rolu həmişə yüksək qiymətləndirilib, perspektivli fəaliyyətləri üçün hər cür şərait yaradılıb. Ulu Öndər Heydər Əliyev istər sovet Azərbaycanına rəhbərlik etdiyi dövrdə, istərsə də müstəqil respublikamızın prezidenti olarkən gənclərə xüsusi diqqət yetirirdi, onların sağlam mühitdə böyüməsi və tərbiyə alması, müasir elmi biliklərə yiyələnməsi, peşəkar kadr kimi yetişməsi üçün dövlət səviyyəsində hər şeyi edirdi. Gənclər siyasətinin ayrı-ayrı istiqamətləri üzrə müvafiq sənədlər imzalanır, onların sosiallaşmasına xüsusi diqqət yetirilir, müxtəlif proqramlar hazırlanır, görüşlər keçirilir, layihələr icra olunurdu. Bir sözlə, gənclər siyasəti Ulu Öndərin siyasi fəaliyyətinin mühüm tərəfini təşkil edirdi”.Bu fikirləri Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev deyib.Onun sözlərinə görə, 1994-cü ildə Ulu Öndər Heydər Əliyevin fərmanı ilə Gənclər və İdman Nazirliyinin yaradılması Azərbaycan gənclərinin həyatında əlamətdar bir hadisə idi: “Nazirlik ayrı-ayrı dövlət orqanlarının gənclərlə iş sahəsindəki fəaliyyətini əlaqələndirməklə bu sahədə vahid dövlət siyasətinin reallaşdırılmasını təmin edir. Ümummilli Liderin gənclər forumunun təşkili ilə bağlı 1995-ci ildə irəli sürdüyü təşəbbüsdən sonra 1996-cı ildən başlayaraq Azərbaycan gənclərinin forumları keçirilir. Bu da gənclərin cəmiyyətin həyatında rolunun artmasında, ölkənin gələcək inkişafında onların iştirakının və məsuliyyətinin yüksəlməsində, ölkə gəncləri arasında fikir mübadiləsinin aparılmasında mühüm rol oynayır. 1997-ci il fevralın 2-də Ulu Öndər tərəfindən imzalanan Fərmanla fevralın 2-si Azərbaycan Gəncləri Günü elan edildi. O vaxtan başlayaraq hər il ölkəmizdə Gəncləri Günü təntənəli şəkildə qeyd olunur.Ulu Öndərin gənclərlə bağlı imzaladığı bir çox sənədlər ümumilikdə respublikanın ictimai-siyasi həyatında gənclərin daha fəal iştirakı üçün hərtərəfli şərait yaratdı, gənclər siyasətinin məqsəd, prinsip və istiqamətlərini, təşkilati-hüquqi əsaslarını müəyyən etdi”.S.Möhbalıyev qeyd edib ki, Ulu Öndər tərəfindən əsası qoyulan gənclər siyasəti bu gün dövlətimizin başçısı cənab İlham Əliyev tərəfindən uğurla davam etdirilir və gənclər ölkəmizin dinamik inkişafında müstəsna rol oynamaqdadır: “2007-ci ilin “Gənclər ili” elan edilməsi gənclərin ölkənin ictimai-siyasi və mədəni həyatında fəallığının daha da yüksəlməsinə səbəb olmuşdur. Gənclərin rifahına xidmət edən dövlət proqramlarının icrası gənclərin potensialının inkişafına, məşğulluğunun təmin olunmasına mühüm töhfələr vermişdir. Dövlətimiz tərəfindən gənclərin dövlət quruculuğu prosesində və ölkənin ictimai-siyasi həyatında fəaliyyəti təmin olunur, yaradıcı gənclərin potensialı, qüvvəsi, bilik və bacarığı yüksək qiymətləndirilir, həmçinin gənclərin təhsil və sosial problemlərinin həlli, onlar üçün yaradıcı mühitin formalaşdırılması, gənc ailələrin sosial, məişət problemlərinin aradan qaldırılması istiqamətində davamlı işlər görülməkdədir”.“Parlaq Zəfərlə başa çatan 44 günlük Vətən müharibəsi Azərbaycan gəncləri üçün böyük bir sınaq oldu. Müzəffər Ali Baş Komandanın ətrafında dəmir yumruq kimi birləşən gənclərimiz böyük birlik nümayiş etdirdilər və Vətən müdafiəsinə qalxdılar. Məhz onların vətənpərvərlik hissi, yüksək döyüş ruhu 30 ilə yaxın müddət ərzində düşmən işğalında olan torpaqlarımızı cəmi 44 günə azad etdi, hər biri işğalçı düşmənə qarşı rəşadətlə döyüşdü. Vətən müharibəsi göstərdi ki, onlar dövlətə sədaqət, Vətənə sevgi ruhunda tərbiyə alıblar və hər zaman müstəqilliyimizin, suverenliyimizin, dövlətçiliyimizin keşiyində ləyaqətlə dayanacaqlar. Ümidvarıq ki, yetişəcək yeni-yeni nəsillər böyük birlik və qəhrəmanlıq nümayiş etdirmiş bugünkü Azərbaycan gəncliyindən nümunə götürəcək və onların yolunu şərəflə davam etdirəcək”, – Milli Məclisin deputatı deyib.AHİK sədri bildirib ki, ölkəmizin ən böyük ictimai təşkilatı olan Azərbaycan həmkarlar ittifaqları dövlətimiz tərəfindən müəyyən olunan gənclər siyasətinə öz səlahiyyətləri çərçivəsində fəal dəstək verir: “Gənclərin böyük qisminin həmkarlar ittifaqı sıralarında birləşməsi təşkilatımızın bu istiqamətdə məsuliyyətini daha da artırır. Belə ki, həmkarlar ittifaqı üzvlərinin 22.2 faizini (29 yaşadək) gənclər təşkil edir. AHİK müxtəlif vaxtlarda “Azərbaycanda uşaq və gənclərin hüquqlarının müdafiəsi və mənəvi tələbatlarının ödənilməsi sahəsində həmkarlar ittifaqlarının fəaliyyəti və tədbirlər planı”, “Gənclər siyasəti konsepsiyası”, “Azərbaycan həmkarlar ittifaqlarının gənclər siyasətinin həyata keçirilməsi”, “Azərbaycan həmkarlar ittifaqlarının gənclər siyasəti üzrə fəaliyyətinin əsas istiqamətləri” və b. qərarlar və digər sənədlər qəbul etmiş və uğurla həyata keçirilmişdir”.Konfederasiya sədri əlavə edib ki, Azərbaycan həmkarlar ittifaqları işləyən və təhsil alan gənclərin hüquqlarının müdafiəsi, işəgötürənlər tərəfindən gənclərin hüquqlarına əməl olunması, gənclərin həmkarlar ittifaqı sıralarına cəlb olunması və fəal gənclərin sayının artırılması istiqamətində də səylə çalışır: “AHİK-in dəstəyi ilə hər il yay aylarında həmkarlar ittifaqlarının gənc liderlərinin forumları keçirilir, həmçinin həmkarlar ittifaqlarının rəhbər strukturlarında gənc kadrların sayını çoxaltmaq məqsədilə maarifləndirmə kursları təşkil olunur. İl ərzində 100-dən artıq gənc bu kurslarda öz bilik və bacarıqlarını artırır. Bundan başqa, ali və orta təhsil müəssisələrində əlaçı tələbə-gənclər üçün adlı təqaüdlər təsis edilir və onlara mükafatlar təqdim olunur. Həmçinin AHİK tərəfindən “İlin peşəkar gənci” fəxri adı təsis edilib və peşəkarlığı ilə həmkarlar ittifaqının fəaliyyətində fərqlənən gənclər qiymətləndirilir. İndiyə kimi 27 sahə həmkarlar ittifaqı təşkilatından 300 nəfərdən artıq gənc bu fəxri ada layiq görülüb”.S.Möhbalıyev vurğulayıb ki, Azərbaycan həmkarlar ittifaqları bundan sonra da gənclərlə bağlı fəaliyyətini uğurla davam etdirəcək, dövlətimizin bu istiqamətdə gördüyü bütün işlərə fəal dəstək verəcək: “Bir daha gənclərimizi Gənclər Günü münasibətilə təbrik edir, onlara dövlətimizin daha inkişafı yolunda böyük nailiyyətlər arzulayıram. Bayraminiz mübarək, Azərbaycan gəncləri!”

02.02.2022

“Sürətli inkişaf yolu keçən Azərbaycanda korporativ sosial məsuliyyət nümunələri geniş şəkildə müşahidə edilməkdədir. Əslində Azərbaycanda korporativ sosial məsuliyyət prinsipləri hələ 19-cu əsrin sonlarında neft maqnatları Hacı Zeynalabdin Tağıyev, Musa Nağıyev və digər sahibkarlar tərəfindən görülən xeyriyyəçilik tədbirlərində öz əksini tapmışdır. Həmin vaxtlar Bakıda məktəblərin, sağlamlıq və mədəniyyət ocaqlarının tikintisinə, Bakı Su Kəmərinin çəkilişinə, Bakı Dövlət Universitetinin yaradılmasına, həmçinin Avropa Universitetlərinə göndərilən gənclərə maddi yardımın göstərilməsinə xeyli vəsait ödənilmişdir. Hazırda ölkəmizin iqtisadi qüdrəti durmadan artmaqdadır, sahibkarlar üçün əlverişli şərait yaradılır və belə olan təqdirdə biznes nümayəndələri daha çox gəlir əldə etməyə başlayırlar və elə bu zaman da onların cəmiyyət qarşısında sosial məsuliyyətləri meydana çıxmış olur. Dövlətimizin başçısı cənab İlham Əliyev öz çıxışlarında işəgötürənlər tərəfindən sosial məsuliyyətin vacibliyinin nəzərə alınmasını tövsiyə edərək demişdir: “Çünki iş adamlarına dövlət hərtərəfli dəstək verir və iş adamları da sosial məsuliyyətlərini dərk etməlidirlər”. Ölkəmizdə bir sıra şirkətlər bu gün könüllü şəkildə sosial məsuliyyətə qoşulmuşlar. Heydər Əliyev Fondu, Paşa Holdinq, “AzerQold” Qapalı Səhmdar Cəmiyyəti və bir sıra banklar, özəl təşkilatlar müxtəlif xeyriyyəçilik tədbirləri həyata keçirməklə bütövlükdə ölkənin tərəqqisinə müsbət təsir göstərirlər”.Bu fikirləri korporativ sosial məsuliyyət tədbirlərində aktiv iştirak edərək həssas qruplara dəstək proqramların icrasına töhfəsini verən sosial tərəfdaşların mükafatlandırılması mərasimində çıxışı zamanı Azərbaycan Həmkarlar İttifaqları Konfederasiyasının (AHİK) sədri, millət vəkili Səttar Möhbalıyev deyib.Onun sözlərinə görə, Azərbaycanda bu gün korporativ sosial məsuliyyət prinsiplərinin ən yaxşı nümunələri Azərbaycan Respublikasının Birinci vitse-prezidenti, Heydər Əliyev Fondunun prezidenti, Azərbaycan Mədəniyyət Fondunun prezidenti, Yeni Azərbaycan Partiyasının birinci müavini, UNESKO və İSESKO-nun xoşməramlı səfiri Mehriban xanım Əliyeva tərəfindən həyata keçirilməkdədir: “Məhz onun rəhbərliyi ilə Heydər Əliyev Fondu korporativ sosial məsuliyyətin əsas prinsiplərini reallaşdırır, cəmiyyəti narahat edən social problemləri həll edir, insanların həyat şəraitinin, təhsilinin səviyyəsinin, sağlamlığının yüksəldilməsi üçün layihələr həyata keçirir. Fondun təşəbbüsü ilə xeyli sayda körpələr evi, uşaq bağçaları, məktəblər, valideyn himayəsindən məhrum olan və uşaq evlərini bitirən gənclər üçün yaşayış binaları, səhiyyə, mədəniyyət ocaqları tikilir, 2020-ci il Vətən müharibəsi döyüşlərində yaralanmış əsgər və zabitlərin xarici ölkələrə müalicəyə göndərilməsi və onların yüksək texnologiyalı protezlərlə təmin edilməsi həyata keçirilən bir çox sosial əhəmiyyətli tədbirlərin bir qismidir. Heydər Əliyev Fondunun xeyriyyəçilik tədbirləri ilə bağlı Azərbaycan Respublikasının Prezidenti İlham Əliyev cənabları Hacı Zeynalabdin Tağıyevin Bakıda ucaldılan abidəsinin açılışında etdiyi çıxışında demişdir: “Azad edilmiş torpaqlarda hazırda dini abidələrimizin əsaslı təmiri, bərpa edilməsi və inşası prosesinə start verilib. Şuşa şəhərində Yuxarı Gövhər Ağa, Aşağı Gövhər Ağa, Saatlı məscidləri, Ağdam şəhər məscidi əsaslı təmir edilib. Zəngilan şəhər məscidi də həmçinin. Eyni zamanda Daşaltıda, Hadrutda və Şuşa şəhərində yeni məscidlərin tikintisi də məhz Heydər Əliyev Fondunun təşəbbüsü ilə həyata keçirilir.  Təkcə sadaladığım dini abidələrin sayı 8-ə bərabərdir və əminəm ki, Fond digər layihələrdə də fəal iştirak edəcək”. Heydər Əliyev Fondu təkcə Azərbaycanda deyil, eyni zamanda, Avropada, Asiyada, hətta Afrikada da müxtəlif sosial layihələr reallaşdırmaqla bütün dünyaya korporativ sosial məsuliyyətin nümunəsi təqdim edir”.“Azərbaycan Həmkarlar İttifaqları Konfederasiyası və onun üzv təşkilatları işçilərin sosial və iqtisadi mənafelərini müdafiə edən təşkilat kimi sosial tərəfdaşlarla əməkdaşlığı korporativ sosial məsuliyyət çərçivəsində də davam etdirir. Belə ki, Əmək və Əhalinin Sosial Müdafiəsi Nazirliyi ilə Azərbaycan Həmkarlar İttifaqları Konfederasiyası arasında bağlanan «Həssas əhali qruplarının özünün məşğulluğunun təşkilinə köməklik göstərilməsi sahəsində əməkdaşlığa dair memoranduma» uyğun olaraq Nazirliyin Dövlət Məşğulluq Agentliyinin hesabına 200.000 (iki yüz min) manat vəsait köçürülmüşdür. Bu layihə çərçivəsində nəzərdə tutulan tədbirlər həyata keçirilmişdir. AHİK xeyriyyəçilik tədbirlərini davam etdirərək Azərbaycan Milli Elmlər Akademiyasına maliyyə dəstəyi göstərmək məqsədilə ulu öndər Heydər Əliyevin (95 illik) yubileyi münasibətilə gənc alimlərin qrant müsabiqəsinin və Azərbaycan Elm Festivalının təşkilinə ümumilikdə 30.000 manat maddi vəsait ayırmışdır. Təhsildə yüksək göstəricilər əldə edən 130 tələbəyə hər il ümumilikdə 38.000 manat adlı təqaüd, aztəminatlı ailələrdən olan 255 tələbəyə pulsuz yemək üçün 90.000 manata yaxın vəsait xərclənmiş, ehtiyacı olan tələbələrin təhsil haqqı ödənilmişdir. 2020-2021-ci illər ərzində Təhsil Kredit Fonduna 100.000 manat vəsait köçürülmüşdür”, – AHİK sədri bildirib.Milli Məclisin deputatı qeyd edib ki, Azərbaycan Həmkarlar İttifaqları Konfederasiyası və onun üzv təşkilatları Birinci Qarabağ müharibəsi dövründə olduğu kimi, Vətən müharibəsi dövründə də şanlı ordumuza, əsgər və zabitlərimizə, eyni zamanda arxa cəbhədə fəaliyyət göstərən vətəndaşlarımıza maddi və mənəvi cəhətdən dəstək vermək üçün bir sıra tədbirlər həyata keçirmişdir: “Vətən müharibəsi dövründə AHİK İcraiyyə Komitəsinin qərarları ilə AHİK və onun üzv təşkilatları tərəfindən Azərbaycan Silahlı Qüvvələrinə Yardım Fondunun hesabına 1.036.815 manat ianə edilmiş, Qarabağ Dirçəliş Fonduna 600.000 manat vəsait köçürülmüş, “Yaşat” Fonduna 594.770 manat ianə edilmişdir.  Bundan əlavə Silahlı qüvvələrə və cəbhə bölgəsinə 1.610.771 manat maddi yardım olunmuşdur. Həmçinin qeyd edək ki, 13.735 şəhid ailəsinə və qaziyə 1.915.913 manatlıq birdəfəlik yardım göstərilmişdir. 172 şəhidin  286 övladı 18 yaşına çatanadək himayəyə götürülmüşdür. Bütün bunlarla yanaşı, Vətən müharibəsi iştirakçıları, qazilər və şəhid ailəsi üzvləri sağlamlıqlarının bərpa olunması  məqsədilə istəklərinə uyğun olaraq sanatoriya-kurort yollayışları ilə təmin olunurlar. Pandemiya dövründə AHİK və onun üzv təşkilatları tərəfindən (2020-2021-ci ilin 9 ayı) ümumilikdə 16.025.177 manat məbləğində maddi və ərzaq yardımları göstərilmişdir. Koronavirusla Mübarizəyə Dəstək Fonduna 632.672 manat, “Regional İnkişaf” İctimai Birliyinin hesabına 705.000 manat vəsait köçürmüşdür.  114.724 aztəminatlı ailəyə 4.833.163 manatlıq yardım edilmiş, o cümlədən 76 şəhər və rayonda yaşayan aztəminatlı ailələrə iki dəfə ərzaq sovqatları paylanmışdır. Bunlarla yanaşı, Azərbaycan Həmkarlar İttifaqları Konfederasiyası hər il «İlin ən yaxşı müəssisəsi (təşkilatı)» başlığı altında müsabiqə keçirir ki, bu müsabiqədə əməyin, ətraf mühitin mühafizəsi məsələsi önə çəkilir və qalib müəssisələr müxtəlif nominasiyalar üzrə mükafatlandırılırlar”.S.Möhbalıyev vurğulayıb ki, sosial məsuliyyət anlayışının çox geniş və dərin mənası vardır: “Burada əsasən üç sahə – maliyyə, onun fəaliyyətinin cəmiyyətə və ətraf mühitə, ekologiyaya təsiri əsas götürülür. Bu, təkcə biznesə deyil, hökumətə, ictimai və könüllü təşkilatlara aiddir. Bu səbəbdən də hamı əlbir olmalı, Korporativ Sosial Məsuliyyət konsepsiyasının həllinə bərabər çalışmalıyıq. Tədbirin proqramına əsasən işəgötürənlərin müxtəlif nominasiyalar üzrə təltif olunması keçiriləcəkdir. Odur ki, təltif olunacaq işəgötürənləri təbrik edir, onlara uğurlar arzulayıram”.

27.01.2022

Sovet imperiyasının Bakıda törətdiyi qanlı 20 Yanvar faciəsinin 32-ci ildönümü ilə əlaqədar Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev və AHİK-in digər rəhbər şəxsləri yanvarın 20-də – Ümumxalq Hüzn Günü Şəhidlər xiyabanını ziyarət ediblər.Azərbaycanın müstəqilliyi uğrunda canından keçmiş qəhrəman şəhidlərimizin əziz xatirəsi hörmət və ehtiramla yad edilib, məzarları üzərinə gül dəstələri düzülüb.DSC_0029-scaled.jpg 337.41 KBDSC_0002-1920x1285.jpg 440.66 KBDSC_0008-scaled.jpg 545.58 KBDSC_0016-1-scaled.jpg 642.33 KBDSC_0022-scaled.jpg 595.11 KB

20.01.2022

18 yanvar 2022-ci il tarixdə ATİAHİ Oğuz Rayon komitəsində İlk təşkilat sədrlərinin iştirakı ilə seminar keçirilmişdir. Seminarda 2022-ci ildə qarşıda duran vəzifələr və sənədləşmə işinin təşkili ilə bağlı məsələlər müzakirə olunmuşdur. ATİAHİ Oğuz Rayon komitəsinin sədri Fərman İbrahimov qeyd olunan məsələlər barəsində çıxış etmiş və müəyyən tapşırıqlar vermişdir.

18.01.2022

Azərbaycanda mübariz oğul və qızlarımızın şücaəti hər zaman yüksək qiymətləndirilir, bütün şəhidlərimizin ruhuna ehtiram göstərilir, əziz xatirələri uca tutulur.İstər Birinci Qarabağ müharibəsində, istər 44 günlük Vətən müharibəsində, həmçinin ölkəmizin müstəqilliyi uğrunda canından keçmiş 20 Yanvar şəhidlərinin ailələri və qazilər hərtərəfli dövlət dəstəyi ilə əhatə olunurlar, bu istiqamətdə həmişə ölkəmizdə milli həmrəylik yaşanır.Azərbaycan həmkarlar ittifaqları da şəhid ailələrinə, qazilərə, ümumiyyətlə, müharibə iştirakçılarına daim dəstək olur, onların qayğıları ilə maraqlanır, lazımi köməklikləri göstərir.Bu ənənənin davamı olaraq bu il də Azərbaycan Həmkarlar İttifaqları Konfederasiyasının (AHİK) İcraiyyə Komitəsi ölkəmizin müstəqilliyi uğrunda 1990-cı ilin 20 yanvarında şəhid olmuş qəhrəmanlarımızın ailələrinə maliyyə dəstəyi göstərmək üçün müvafiq qərar qəbul edib. Belə ki, 99 şəhid ailəsinin hər biri üçün 200 manat (ümumilikdə 19800) məbləğində maliyyə yardımı göstərilib.Eyni zamanda AHİK-in üzv təşkilatları tərəfindən şəhid ailələrinə yardım göstərilməsi, pulsuz yollayışlarla təmin olunması, onlarla görüşlərin və digər tədbirlərin keçirilməsi nəzərdə tutulub.

17.01.2022

Yanvarın 14-də Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev ölkəmizdə səfərdə olan Türkiyənin həmkarlar ittifaqarları mərkəzlərindən biri olan – “Hak-İş” Konfederasiyasının sədri Mahmut Arslan və qurumun baş katibi Eda Günərlə görüşüb.Görüşdə Azərbaycanla Türkiyə arasında mövcud olan qardaşlıq münasibətlərindən, həmçinin iki qurum arasındakı əlaqələrdən, əməkdaşlığın daha da möhkəmləndirilməsi istiqamətində görülən işlərdən və gələcək perspektivlərdən danışılıb.AHİK sədri bildirib ki, ölkələrimiz arasındakı münasibətlər qardaşlıq prinsipləri əsasında bütün sahələrdə möhkəm təməllər üzərində qurulub, Türkiyə Cümhuriyyətinin qurucusu Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” və Azərbaycan xalqının Ümummilli Lideri Heydər Əliyevin “Bir millət, iki dövlət” kəlamları xalqlarımızın milli-mənəvi dəyərlər müstəvisində birliyinin təminatçısıdır.Onun sözlərinə görə, bu gün Azərbaycan Prezidenti İlham Əliyevlə Türkiyə Prezidenti Rəcəb Tayyib Ərdoğanın həyata keçirdikləri məqsədyönlü siyasət sayəsində ölkələrimiz arasındakı münasibətlər daha yüksək səviyyəyə çatmaqda, bir sıra sahələr üzrə isə keyfiyyətcə yeni müstəviyə keçməkdədir.1-1-1920x1285.jpg 244.61 KB2-scaled.jpg 416.29 KB3-scaled.jpg 393.06 KB4-scaled.jpg 420.2 KB5-scaled.jpg 346.79 KB6-scaled.jpg 399.55 KBŞuşa Bəyannaməsini tarixi hadisə adlandıran S.Möhbalıyev qeyd edib ki, Bəyannamə ölkələrimiz arasındakı münasibətlərin bütün müstəvilərdə, o cümlədən siyasi, iqtisadi, ideoloji, humanitar sahələrdə davamlı inkişafını təmin edir, eyni zamanda müttəfiqliyin geostrateji əhəmiyyətini artırır.İşğal olunmuş Azərbaycan torpaqlarının 2020-ci ildə əks-hücum əməliyyatı ilə erməni qəsbkarlarından azad edilməsi zamanı Türkiyə dövlətinin və onun prezidentinin Azərbaycana göstərdiyi mənəvi və diplomatik dəstəyi dəyərləndirən S.Möhbalıyev vurğulayıb ki, bu, sözün hər bir mənasında, təmənnasız qardaşlığın nümunəsi idi.“Hak-İş” Konfederasiyası tərəfindən şəhid ailələrinə və qazilərə, həmçinin Şərqi Zəngəzurun və Qarabağın bərpasına xərclənməsi üçün AHİK-in hesabına köçürülən 25 000 ABŞ dolları vəsaitə görə türkiyəli həmkarına təşəkkür edən AHİK sədri Azərbaycanda şəhid ailələrinin, qazilərin, veteranların hərtərəfli dövlət qayğısı ilə əhatə olunduğunu və prosesdə ictimai təşkilatların da fəallığını diqqətə çatdırıb.Səmimi qəbula görə təşəkkür edən “Hak-İş” Konfederasiyasının sədri Mahmut Arslan Vətən müharibəsində Azərbaycanın qazandığı qələbəni tarixi hadisə adlandırıb və bu münasibətlə azərbaycanlı həmkarlarını təbrik edib. Onun sözlərinə görə, Azərbaycan haqq-ədalət uğrunda mübarizə apardı, bütün dünyaya öz gücünü göstərdi. M.Arslan deyib ki, Şərqi Zəngəzurun və Qarabağın işğaldan azad olunması hər birimizin arzusu idi və bizim bu arzumuz reallaşdı: “Biz də Türkiyənin ictimai təşkilatı olaraq qardaş ölkənin ərazi bütövlüyü uğrunda şəhid olmuş Vətən oğullarının ailələrinə, qazilərə dəstək olmağa çalışırıq. Göstərdiyimiz bu maddi yardım, təbii ki, simvolik xarakter daşıyır. Biz bununla demək istəyirik ki, hər zaman azərbaycanlı qardaşlarımızın yanındayıq və bunu özümüzə borc bilirik”.Görüşdə həmçinin maraq doğuran digər məsələlər müzakirə olunub. Sonda qarşılıqlı hədiyyələr təqdim olunub, xatirə şəkili çəkdirilib.

14.01.2022

“Dövlətimizin başçısı cənab İlham Əliyev yerli televiziya kanallarına müsahibəsində Azərbaycanın son 11 ayda qazandığı iqtisadi uğurlardan bəhs etdi. Görünən odur ki, dünya iqtisadiyyatında hansı formada və səviyyədə böhran baş verməsindən asılı olmayaraq, Azərbaycan iqtisadiyyatı bütün sınaqlara hazırdır və sürətlə inkişaf edir. Bunun bariz nümunəsini biz hələ də tam aradan qalxmayan pandemiya dövründə gördük. Qısa müddətdə bütün dünyanı sosial-iqtisadi böhran bürüdü. Amma görülmüş genişmiqyaslı işlər, sistemli və ardıcıl tədbirlər sayəsində ölkə iqtisadiyyatı duruş gətirə bildi. Son 11 ayın yekunlarından da aydın görünür ki, bu iqtisadi artım davam edir. Qeyri-neft sektorunda da bu hal müşahidə olunur. Sənaye istehsalında, valyuta ehtiyatlarında ciddi artım var, ixrac imkanları da artır. Bütün bunlar Azərbaycanın iqtisadi qüdrətini göstərir”.Bu fikirləri Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Möhbalıyev deyib.Onun sözlərinə görə, aqrar islahatlar nəticəsində ölkəmizin kənd təsərrüfatı da sürətlə ikişaf edir: “Daxili istehsal dəfələrlə artıb, üzümçülük, pambıqçılıq genişlənir. Fermerlər üçün əlverişli şərait yaradılır. Ərzaq məhsullarının böyük hissəsi ölkəmizdə istehsal olunur. Cənab Prezidentin səsləndirdiyi rəqəmlər də bunu deməyə əsas verir. İşğaldan azad edilmiş ərazilərimizdə də kənd təsərrüfatının inkişafı istiqamətində genişmiqyaslı iş aparılır. İnanırıq ki, həmin ərazilərdə aqrar sahədə görülən işlər ölkəmizin iqtisadi inkişafında, ərzaq təhlükəsizliyinin təmin olunmasında mühüm rol oynayacaq”.“Dövlətimizin başçısı müsahibəsində Şərqi Zəngəzurda və Qarabağda aparılan abadlıq və quruculuq işlərindən də danışdı. Həmin ərazilərdə genişmiqyaslı proqram icra edilir. Sıfırdan yeni şəhər və kəndlər salınır, yüzlərlə məktəb, xəstəxana, idman kompleksləri, mədəniyyət ocaqlarının inşası nəzərdə tutulub, hava limanınları tikilir, 100 kilometrlərlə dəmir yolu, minlərlə kilometr avtomobil yolu çəkilir, habelə digər irihəcmli işlər reallaşdırılır. Qısa müddətdə bu istiqamətdə xeyli işlər görülüb. Bütün bunlar yalnız Azərbaycanın maliyyə resursları hesabına, heç bir kənar dəstək olmadan həyata keçirilir. Aparılan işlərin sürəti də göstərir ki, yaxın zamanlarda bu proses yekunlaşacaq, sakinlər öz ata-baba yurduna qayıdaraq orada əbədi xoşbəxt yaşayacaqlar. Bu istiqamətdə dövlətimiz əlindən gələn hər şeyi edir və buna hamımız şahidik”, – Milli Məclisin deputatı bildirib.“İşğal altında olan torpağlarımız azad edilərkən Silahlı Qüvvələrimiz Ermənistan Ordusunu məhv etdi. Ordumuzun gücünə bütün dünya şahid oldu, peşəkarcasına, böyük Vətən sevgisi ilə döyüşürdülər. Onların bir amalı var idi: işğal altındakı torpaqları azad etmək. Ordumuz bunu rəşadətlə, böyük qəhrəmanlıq göstərərək yerinə yetirdi. Bu gün dünyanın bir sıra aparıcı hərbi araşdırma mərkəzlərində, həmçinin ali hərbi məktəblərdə Ordumuzun 2-ci Qarabağ müharibəsində sərgilədiyi döyüş taktikası maraqla öyrənilir, əsgərlərimizin döyüş ruhu təqdir olunur, bu barədə hərbi ekspertlər məqalələr dərc etdirib fikirlərini bildirirlər. Həqiqətən də, Ordumuzun qəhrəmanlığı bütün dünyaya səs saldı, tarixi ədaləti, beynəlxalq hüququn pozulmuş prinsiplərini bərpa etdi. Separatizim layiq olduğu cəzanı aldı. Bütün bunlar Azərbaycan Ordusunun gücünü və qüdrətini göstərir. Bu gün Ermənistanda hamıda gülünc doğura biləcək revanşist fikirlər də səslənir. Amma anlamırlar ki, qarşılarında bir müddət öncə onların ordularını məhv etmiş qalib və yenilməz Azərbaycan əsgəri var. Vətən müharibəsindən sonra Ermənistan tərəfindən törədilən bütün hərbi təxribatlara layiqli cavablar verilib. Müzəffər Ali Baş Komandan cənab İlham Əliyev də müsahibəsində Ermənistanda olan revaşist düşüncəli insalara tutarlı mesaj göndərdi. Artıq onları hansı aqibət gözləyir hamıya məlumdur. Dövlətimizin başçısının “Bizim gördüyümüz tədbirlər nəticəsində Azərbaycan Silahlı Qüvvələri İkinci Qarabağ müharibəsi dövründə nümayiş etdirildiyindən daha güclü olacaq” fikri məncə onlara bəs edər”, – AHİK sədri fikrini belə tamamlayıb.

13.01.2022

Təbrikdə deyilir:“Dövlətimizin başçısı cənab İlham Əliyev başda olmaqla müzəffər xalqımızı, o cümlədən həmkarlar ittifaqlarının hər bir üzvünü, həmçinin Vətəndən uzaqlarda yaşayan soydaşlarımızı 31 Dekabr – Dünya Azərbaycanlılarının Həmrəyliyi Günü və Yeni il münasibətilə səmimi qəlbdən təbrik edir, möhkəm cansağlığı və uzun ömür arzulayıram. Növbəti ildə xəstəliklərdən, bəlalardan, fəlakətlərdən uzaq xoşbəxt həyat nəsibiniz olsun.Əziz həmvətənlər, bu gün dövlətimizin başçısı cənab İlham Əliyevin rəhbərliyi ilə müstəqil Azərbaycan dövləti parlaq və xoşbəxt gələcəyə doğru inamla irəliləyir. Əminik ki, bizi qarşıda daha böyük nailiyyətlər və işıqlı gələcək gözləyir.Bir daha Həmrəylik Günü və Yeni il münasibətilə Sizləri ürəkdən təbrik edir, əmin-amanlıq, firavan həyat arzulayıram. Qoy həmişə dövlətimiz qüdrətli, bayrağımız uca, həmrəyliyimiz əbədi olsun.Bayramınız mübarək“.

30.12.2021

Şəhid ailələri ATİAHİ Oğuz Rayon komitəsi tərəfindən hər daim diqqət mərkəzində saxlanılır. 29 dekabr 2021-ci il tarixdə Şəhid müəllim Lətifov Rəvan Ömür öğlunun övladı Ömürün doğum günüdür. Bu gün münasibətilə ATİAHİ Oğuz Rayon komitəsinin sədri Fərman İbrahimov, Oğuz Rayon Təhsil Şöbəsinin müdir müavini Nəsimi Adıyev, komitə və təhsil şöbəsi əməkdaşları şəhidin ailəsinə baş çəkmişlər. Doğum günü münasibətilə şəhidin övladına hədiyyələr təqdim edilmişdir.

29.12.2021

Dekabrın 15-də Azərbaycan Təhsil İşçiləri Azad Həmkarlar İttifaqı Respublika Komitəsinin VI Məclisi keçirilib. Zoom platforması üzərindən keçirilən tədbir onlayn formatda təşkil olunub. İclas torpaqlarımızın azadlığı uğrunda həlak olmuş şəhidlərimizin xatirəsinin bir dəqiqəlik sükutla yad edilməsi ilə başlayıb. Sonra ATİAHİ Respublika Komitəsinin sədri, millət vəkili Səttar Möhbalıyev iclasın gündəliyi ilə Məclis üzvlərini tanış edib. Gündəlikdə “ATİAHİ Respublika Komitəsinin Məclis üzvləri arasında qismən dəyişiklik edilməsi barədə”, “ATİAHİ Respublika Komitəsinin Rəyasət Heyətinin tərkibində qismən dəyişiklik edilməsi barədə”, “2022-ci ildə Azərbaycan Təhsil İşçiləri Azad Həmkarlar İttifaqının xidmətində olan üzv təşkilatlarda hesabat-seçki yığıncaqlarının (konfransların) keçirilməsi barədə”, “Kollektiv Saziş və kollektiv müqavilələrin şərtlərinin yerinə yetirilməsi, o cümlədən ittifaq üzvlərinin əmək, sosial-iqtisadi hüquqlarının müdafiəsi sahəsində üzv təşkilatların fəaliyyəti barədə”, “II Qarabağ Müharibəsində iştirak etmiş təhsil işçiləri və onların ailə üzvlərinin sosial müdafiəsi ilə bağlı görülmüş işlər və qarşıda duran vəzifələr barədə”, “Azərbaycan Təhsil İşçiləri Azad Həmkarlar İttifaqı Respublika Komitəsinin büdcə göstəricilərinin təsdiqi barədə”, “Azərbaycan Təhsil İşçiləri Azad Həmkarlar İttifaqı Respublika Komitəsi aparatının ştat cədvəlinin təsdiqi barədə” məsələlər öz əksini tapıb.İclasda gündəlikdə duran hər bir məsələ ilə bağlı qərarlar qəbul edilib.  “Kollektiv Saziş və kollektiv müqavilələrin şərtlərinin yerinə yetirilməsi, o cümlədən ittifaq üzvlərinin əmək, sosial-iqtisadi hüquqlarının müdafiəsi sahəsində üzv təşkilatların fəaliyyəti barədə” məsələnin müzakirəsi zamanı qeyd olunub ki,       Azərbaycan Respublikası Nazirlər Kabineti, Azərbaycan Həmkarlar İttifaqları Konfederasiyası və Azərbaycan Respublikası Sahibkarlar (İşəgötürənlər) Təşkilatlarının Milli Konfederasiyası arasında bağlanmış Baş Kollektiv Sazişə əsaslanaraq ATİAHİ Respublika Komitəsi və Azərbaycan Respublikası Təhsil Nazirliyi arasında 2021-2023-cü illər üçün Kollektiv Saziş bağlanmışdır. Həmin Kollektiv Sazişi, eyni zamanda Azərbaycan Respublikasının Əmək Məcəlləsini, «Həmkarlar İttifaqları Haqqında» Azərbaycan Respublikasının Qanununu, təşkilatın Nizamnaməsini və Respublikası Komitəsinin qərar və tövsiyələrini əldə rəhbər tutaraq şəhər və rayon həmkarlar ittifaqı komitələri müvafiq təhsil şöbələri ilə, ilk təşkilatlar isə müvafiq təhsil müəssisəsi rəhbərləri ilə kollektiv müqavilə bağlamışlar. Kollektiv müqavilələrdə Azərbaycan Respublikası Əmək Məcəlləsinin 31-ci maddəsinə uyğun olaraq təhsil işçilərinin əmək, sosial, iqtisadi hüquqları, o cümlədən əməyinin ödənilməsi qaydaları və miqdarı, müavinətlərin, əlavələrin və digər ödəmələrin müəyyən edilməsi, iş və istirahət vaxtı, məzuniyyətlərin müddətləri haqqında şərtlər, işçilərin əmək şəraitinin yaxşılaşdırılması üçün əlavə təminatların müəyyən edilməsi, işəgötürənin təşəbbüsü ilə işçinin əmək müqaviləsi ləğv edilərkən həmkarlar ittifaqı təşkilatı ilə razılaşmaların aparılması və digər öhdəliklər öz əksini tapmışdır. Öhdəliklərin yerinə yetirilməsi ilə bağlı bir sıra işlər görülmüşdür ki, onlardan biri təhsil sahəsində çalışan 6110 əlilin əməkhaqlarına müvafiq olaraq 10-25 faiz artımın əlavə edilməsi olub. Məsələyə münasibət bildirən S.Möhbalıyev qeyd edib ki, bunun təmin edilməsi müsbət nəticə kimi qeyd edilməlidir. O həmçinin bildirib ki, rayon, şəhər və rayon hüquqlu komitələr daim kollektiv müqavilənin şərtlərinin yerinə yetirilməsinə nəzarət etməlidir. Həmçinin kollektiv müqavilə hazırlanan zaman bu sənədin kollektiv arasında müzakirəsi təmin edilməli, ittifaq üzvlərini narahat edən problemlər nəzərə alınmalıdır. Eyni zamanda ittifaq üzvlərinin müraciətlərinə həssas yanaşılmalı, onları narahat edən problemlərin həllinə kömək göstərmək lazımdır. “II Qarabağ Müharibəsində iştirak etmiş təhsil işçiləri və onların ailə üzvlərinin sosial müdafiəsi ilə bağlı görülmüş işlər və qarşıda duran vəzifələr barədə” məsələnin müzakirəsi zamanı isə qeyd olunub ki, Vətən müharibəsi başlanan gündən ATİAHİ Respublika Komitəsi və onun xidmətində olan şəhər, rayon, rayon hüquqlu təşkilatlar, o cümlədən ali və orta ixtisas təhsili məktəblərinin həmkarlar ittifaqı komitələri Azərbaycan Respublikasının Silahlı Qüvvələrin əsgər və zabitlərinə maddi və mənəvi kömək göstərilməsini daim diqqət mərkəzində saxlamışdır. Belə ki, ATİAHİ Respublika Komitəsi tərəfindən Silahlı Qüvvələrinin Fonduna 350000 manat maliyyə vəsaiti köçürülmüş, 17800 manat məbləğində gündəlik tələbat malları  alınaraq cəbhə bölgəsinə göndərilmişdir. Bununla yanaşı, bəzi şəhər, rayon və ali məktəblərin həmkarlar ittifaqı komitələrinin əməkdaşları həmin ərəfədə cəbhəyanı bölgələrdə olmuş və orada xidmət edən əsgər və zabitlərə lazımi dəstək göstərmişlər. Ümumilikdə 760 nəfər təhsil işçisi ordu sıralarında döyüşərək, qələbəmizin təmin olunmasında yaxından iştirak etmişlər. 20 nəfər təhsil işçisi – Gəncə şəhəri, 14 №-li tam orta məktəbin riyaziyyat müəllimi Rabil İsmayılov və 16 №-li tam orta məktəbin müəllimi Rəşad Məmmədov, Lənkəran şəhəri, 6 №-li tam orta məktəbin  müəllimi Etiram Hüseynli və 7 №-li tam orta məktəbin  müəllimi Emil Qurbanov, Ağdam rayonu, 19  №-li köçkün tam orta məktəbin  müəllimi Vüqar Vəliyev, Abşeron rayonu, Masazır 5  №-li tam orta məktəbin  müəllimi Qoşqar Ömərov, Ağstafa şəhəri, 1  №-li tam orta məktəbin  direktoru Elvin İmaməliyev, Beyləqan rayonu, Təzəkənd kənd orta məktəbin müəllimi Əvdil Quliyev, Cəlilabad rayonu, Fərdili kənd ümumi orta məktəbin müəllimi Tural Rəhimov, Daşkəsən rayonu, Gurbulaq kənd  ümumi orta məktəbin müəllimi Vidadi İsrafilov, Gədəbəy rayonu, Dəyəqarabulaq kənd tam orta məktəbin  müəllimi Kənan Müzəffərli, İsmayıllı şəhəri, 3  №-li tam orta məktəbin  müəllimi Famil Əhmədzadə, Lerik rayonu, Şors kənd ümumi orta məktəbin müəllimi Elgün Quliyev, Saatlı rayonu, Təhsil Şöbəsinin əməkdaşı Xalid Nəciyev, Sabirabad rayonu, Qaraqaşlı kənd  tam orta məktəbin  müəllimi Elxan Rzayev, Samux rayonu, Çobanabdallı kənd  tam orta məktəbin  təsərrüfat müdiri Həsən Məmmədli, Salyan Peşə Liseyin texniki işçisi Vidadi Əhmədov, Oğuz rayonu, Sincan kənd tam orta məktəbin  müəllimi təşkilatçısı Rəvan Lətifov, Tovuz rayonu, Hacılar kənd orta məktəbin  texniki işçisi Tural Sarıyev və Respublika Uşaq-Gənclər İdman Məktəbinin gözətçisi Ceyhun Adıgözəlov Vətən uğrunda gedən döyüşlərdə şəhid olmuşlar. Bir ittifaq üzvümüz də Goranboy rayonu, Tap Qaraqoyunlu kənd uşaq bağçasının musiqi müəllimi Ziyadova Flora Qaraş qızı 29 oktyabr 2020-ci il tarixdə erməni təxribatı zamanı yaşadığı evinə mərmi düşməsi nəticəsində həlak olmuş və müvafiq icra orqanları tərəfindən ona şəhid statusu verilmişdir. Məsələnin müzakirəsi zamanı İkinci Qarabağ müharibəsində iştirak edən ittifaq üzvlərinə və ailələrinə yardım edib, şəhid ailələrini, qaziləri diqqətində saxlayıb, xüsusi qayğı göstərmişdir. Məsələnin müzakirəsi zamanı rayon, şəhər, rayon hüquqlu həmkarlar ittifaqı komitələri tərəfindən bu istiqamətdə görülmüş işlər barədə geniş məlumat verilib. Məsələyə münasibət bildirən S.Möhbalıyev deyib ki, 2020-ci il və 2021-ci ilin ilk 9 ayı ərzində AHİK pandemiya və Vətən müharibəsi ilə əlaqədar ümumilikdə 21.933.446 manat vəsait xərcləyib. Belə ki, 44 günlük müharibə dövründə AHİK və onun üzv təşkilatları tərəfindən “Silahlı Qüvvələrə Yardım Fondu”na 1.036.815 manat, “YAŞAT” Fonduna 594.770 manat, “Qarabağ Dirçəliş Fondu”na 600.000 manat, Silahlı Qüvvələrə və cəbhə bölgəsinə yaxın ərazilərdə yaşayan və müharibədən əziyyət çəkən sakinlərə 1.610.771 manat, Naxçıvan Muxtar Respublikasının həmkarlar ittifaqlarına 150.000 manat vəsait köçürülüb. AHİK və onun üzv təşkilatları tərəfindən həmişə diqqətdə saxlanılan şəhid ailələrinə və qazilərə ümumilikdə 1.915.913 manat maddi yardım göstərilib. 13.735 şəhid ailəsinə və qaziyə birdəfəlik yardım edilib. 164 şəhid ailəsinin 274 övladı himayəyə götürülüb və 18 yaşına kimi hər ay onlara maddi yardım göstəriləcək: “Şəhid ailələri, onların övladları dövlətimiz tərəfindən hər cür qayğı ilə əhatə olunub. Lakin mən tövsiyə edirəm ki, həmkarlar təşkilatları bu ailələri diqqətdən kənar qoymamalıdır. Pandemiya qaydalarını əməl etmək şərti ilə imkanınız daxilində onları bayram münasibətilə təbrik edin, şəhid övladlarına hədiyyələr təqdim edin. Onlara baş çəkin”. Daha sonra iclasda Azərbaycan Təhsil İşçiləri Azad Həmkarlar İttifaqı Respublika Komitəsinin büdcə göstəriciləri və Respublika Komitəsi aparatının ştat cədvəli təsdiq edilib. Tədbirin sonunda S.Möhbalıyev gələcək fəaliyyətlə bağlı rayon, şəhər və rayon hüquqlu həmkarlar ittifaqı komitələrinin sədrlərinə tövsiyələrini çatdırıb. 5.JPG 2.55 MB1.jpg 2.72 MB2.jpg 2.67 MB3.JPG 2.61 MB4 (1).jpg 2.88 MB

15.12.2021

Dekabrın 7-də Azərbaycan Təhsil İşçiləri Azad Həmkarlar İttifaqı Respublika Komitəsində Azərbaycanda səfərdə olan Qazaxıstan Həmkarlar İttifaqları Federasiyası sədri Satıbaldı Dauletalin rəhbərlik etdiyi nümayəndə heyəti ilə görüş keçirilib. Qonaqlara təşkilatın fəaliyyəti ilə bağlı məlumat verən ATİAHİ Respublika Komitəsi sədrinin birinci müavini Hümbət Nağıyev bildirib ki, 400 min nəfərə yaxın ittifaq üzvünü özündə birləşdirən ATİAHİ Azərbaycan Həmkarlar İttifaqları Konfederasiyasına daxil olan ən böyük sahə həmkarlar ittifaqı təşkilatıdır: “Təşkilatın əsas fəaliyyəti həmkarlar ittifaqı üzvlərinin əmək, sosial, iqtisadi hüquqlarının və qanuni mənafelərinin müdafiəsindən ibarətdir. Buna uyğun olaraq hər il ATİAHİ Respublika Komitəsi və onun xidmətinə daxil olan üzv təşkilatlar müxtəlif tədbirlər keçirir, həmkarlar ittifaqı üzvlərinin hüquqlarının müdafiəsi, asudə vaxtının səmərəli təşkili, müalicə və istirahətlərinin təmin edilməsi ilə bağlı işlər görür”. Təşkilatın beynəlxalq əlaqələrin qurulması istiqamətində gördüyü işlərdən danışan H.Nağıyev bildirib ki, ATİAHİ Respublika Komitəsi beynəlxalq əməkdaşlıq çərçivəsində bəzi ölkələrin uyğun həmkarlar ittifaqı təşkilatları ilə təcrübə və informasiya mübadiləsi məqsədi ilə iki tərəfli əlaqələr qurur, eyni zamanda bir sıra beynəlxalq həmkarlar ittifaqlarının tam hüquqlu üzvüdür: “ATİAHİ Respublika Komitəsi 1992-ci ildə Beynəlxalq Elm və Təhsil işçiləri Həmkarlar İttifaqları Birliyinə, 2000-ci ildə Beynəlxalq Təhsil Birliyinə, 2006-cı ildə Beynəlxalq Avrasiya Təhsil İşçiləri Həmkarlar İttifaqları Birliyinə üzv qəbul edilib. Bunlarla yanaşı təşkilatımız Türkiyə, Rusiya, İsrail, Belarus, Ukrayna, Qırğızıstan, Özbəkistan, Gürcüstan, Bolqarıstan, Misir və Latviya Təhsil İşçiləri Həmkarlar İttifaqları ilə ikitərəfli əməkdaşlıq əlaqələri qurub. İkitərəfli əməkdaşlıq əlaqəsi qurduğumuz təşkilatlar arasında Qazaxıstan Elm və Təhsil İşçiləri Həmkarlar İttifaqı da var”. Səmimi qəbula görə təşəkkürünü bildirən Qazaxıstan Həmkarlar İttifaqları Federasiyası sədri Satıbaldı Dauletalin qeyd edib ki, Azərbaycan həmkarlar ittifaqları ilə Qazaxıstanın həmkarlar ittifaqı təşkilatları arasında yaxın əməkdaşlıq əlaqələri var. Səfər çərçivəsində Azərbaycan və Qazaxıstan həmkarlar ittifaqları arasında imzalanan Memorandumun imzalanmasını xatırladan S.Dauletalin bildirib ki, münasibətlər bundan sonra da davam və inkişaf etdiriləcəkdir. Görüşdə həmçinin Qazaxıstan Elm və Təhsil İşçiləri Həmkarlar İttifaqının sədri Aygül Mokaşeva da çıxış edərək iki təşkilat arasındakı əməkdaşlıqdan məmnunluq ifadə edib. IMG_8477.JPG 6.47 MBIMG_8480.JPG 7.02 MBIMG_8482.JPG 7.22 MBIMG_8484.JPG 6.11 MB

07.12.2021

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə “Ümumrespublika Yaşıllaşdırma Marafonu” (“Yaşıl Marafon”) çərçivəsində dekabrın 3-də Azərbaycan Həmkarlar İttifaqları Konfederasiyasının (AHİK), həmçinin qurumun üzv və tabe təşkilatlarının əməkdaşları ağacəkmə kampaniyasında iştirak ediblər.Ağacəkmə aksiyası yaşıllaşdırma üçün nəzərdə tutulan 280 hektarlıq ərazinin Qaradağ rayon, Müşfiqabad qəsəbəsində yerləşən sahəsində həyata keçirilib.Həmkarlar ittifaqlarının 150-dən çox əməkdaşı tərəfindən ərazinin torpaq-iqlim şəraitinə uyğun 1 000 ədəd Eldar şamı və zeytun ağacları əkilib.Aksiyada AHİK sədri, Milli Məclisin deputatı Səttar Möhbalıyev və ekologiya və təbii sərvətlər naziri Muxtar Babayev iştirak ediblər.Jurnalistlərə açıqlamasında AHİK sədri Səttar Möhbalıyev bildirib ki, bu kampaniya ölkəmizdə yaşıllıq sahələrinin ərazisini genişləndirəcək, flora biomüxtəlifliyini artıracq, ətraf mühitin mühafizəsinə, yaşıllıqların qorunması ilə bağlı maarifləndirməyə böyük töhfə verəcək: “Həmçinin ümumi ekoloji vəziyyətin yaxşılaşdırılmasında, iqlim dəyişmələri ilə bağlı təsirlərin minimuma endirilməsində mühüm rol oynayacaq, təbiətimizin yaşıl gələcəyini təmin edəcək. İnanırıq ki, sağlam ekoloji mühitin yaradılmasında, ətraf aləmin qorunmasında əkdiyimiz ağacların mühüm faydası olacaq”.S.Möhbalıyev qeyd edib ki, ənənəni davam etdirərək həmkarlar ittifaqları bundan sonra da ağacəkmə kampaniyasında yaxından iştirak edəcək. Həmçinin AHİK sədri Türkiyədə də keçirilən ağacəkmə kampaniyasına qoşulacaqlarını vurğulayıb.Qeyd edək ki, “Yaşıl Marafon” layihəsi çərçivəsində ölkədə 1 milyona yaxın ağac əkilməsi hədəflənir.1.jpg 110.14 KB2.jpg 196.1 KB3.jpg 204.94 KB4.jpg 178.25 KB263246280_238512881714191_1562488369416626521_n.jpg 151.79 KB263599394_238512921714187_5563296060527623731_n.jpg 138.79 KB263618170_238512955047517_3678251043508350264_n.jpg 193.2 KB

03.12.2021

03dekabr 2021-ci il tarixdə ATİAHİ Oğuz Rayon komitəsidə İlk təşkilat sədrlərinin iştirakı ilə seminar keçirilmişdir. Seminarda Təhsil müəssisələrində ittifaq üzvülərinə yaradılan iş şəraitinin vəziyyəti və 2021-ci ilin yekunları müzakirə olunmuşdur. Qeyd olunan məsələlər barəsində ATİAHİ Oğuz Rayon komitəsinin sədri Fərman İbrahimov geniş çıxış etmiş və müəyyən tapşırıqlar verilmişdir.

03.12.2021

Bakı Mühəndislik Universitetinin (BMU) Tələbə Həmkarlar İttifaqı Komitəsinin (THİK) növbəti iclası keçirilib.Öncə Azərbaycanın azadlığı, müstəqilliyi və ərazi bütövlüyü uğrunda döyüşlərdə şəhid olan Vətən övladlarının əziz xatirəsi bir dəqiqəlik sükutla yad edilib.BMU-nun Tərbiyə işləri üzrə prorektoru, dosent Bayram Hüseynzadə ölkə Prezidenti cənab İlham Əliyevin gənclər siyasətindən, dövlətin gənclərə göstərdiyi xüsusi qayğıdan bəhs edib. Prorektor 44 günlük Vətən müharibəsinin müstəqillik dönəmində güclü vətənpərvərlik hissinə malik, milli ruhda tərbiyə almış gənc nəslin formalaşdığını sübuta yetirdiyini vurğulayıb.Sonra universitetdə fəaliyyət göstərən tələbə təşkilatlarının fəaliyyətindən, universitet rəhbərliyi tərəfindən tələbələrə yaradılan şəraitdən və onların uğurları barədə  ətraflı danışan prorektor THİK-in gələcək fəaliyyəti ilə bağlı tövsiyələrini verib.4 (114).jpg 178.32 KB2 (209).jpg 299.42 KB3 (161).jpg 170.58 KBAzərbaycan Təhsil İşçiləri Azad Həmkarlar İttifaqının (ATİAHİ) sədr müavini Mirzə Cəfərzadə təmsil etdiyi qurumun rəhbərliyi adından iclas iştirakçılarını salamlayıb. Tədbirin əlamətdar dövrə təsadüf etdiyini söyləyən M.Cəfərzadə bu yaxınlarda Zəfər bayramınının birinci ildönümünün təntənəli şəkildə qeyd olunduğunu diqqətə çatdırıb.  O, Müzəffər Ali Baş Komandan, Prezident cənab İlham Əliyevin rəhbərliyi ilə 44 günlük Vətən müharibəsində Azərbaycanın qazandığı tarixi Qələbəyə toxunub və bizi Zəfərə aparan yolda gəncliyin rolunu qeyd edib.M.Cəfərzadə THİK haqqında məlumat verərək təşkilatın tələbələrin hüquqlarını qorumaqla yanaşı, onların sosial-ictimai həyatının təşkilində də mühüm rol oynadığını vurğulayıb.Daha sonra səsvermə yolu ilə THİK-in 15 nəfərdən ibarət yeni tərkibi, eyni zamanda təlimata uyğun olaraq 7 nəfərdən ibarət Rəyasət Heyəti, 5 nəfərdən ibarət Təftiş Komissiyasınn üzvləri təsdiq olunub.THİK-in sədri vəzifəsinə isə səs çoxluğu ilə universitetin Pedaqoji fakültəsinin III kurs tələbəsi Rayaxanım Ağazadə seçilib.R.Ağazadə ona göstərilən etimada görə təşəkkürünü bildirib, belə şərəfli və məsuliyyətli işin öhdəsindən gələcəyinə inamını ifadə edib.

26.11.2021

Ü.Hacıbəyli adina Bakı Musiqi Akademiyasının 100 illiyi münasibətilə  Azərbaycan Təhsil İşçiləri Azad Həmkarlar İttifaqı Respublika Komitəsi tərəfindən  BMA-nın bir sıra professor-müəllim heyətinin üzvleri döş nişanları ilə və fəxri fərmanlarla təltif edilmişlər.İttifaq üzvlərinə hədiyyələr və mükafatlar da verilmişdir.AL5A9722.JPG 4.7 MBHəmçinin BMA-nın  iki tələbəsinə adlı təqaüd təqdim olundu. Tədbirdə BMA-nın Tədris İşləri üzrə prorektoru, professor  Nərminə Quliyeva, ATİAHİ Respublika Komitəsinin sədr müavini Mirzə Cəfərzadə və BMA-nın Həmkarlar təşkilatının rəhbər işçiləri iştirak etmişdirlər.

25.11.2021